Sakanako Garapen Agentziak (SGA) jakinarazi du ibarreko estrategia planari herritarrek irailaren 15era arte egin diezaioketela ekarpenak. Sakanako Plan estrategikoaren dokumentazioa kontsultatu edota ekarpenak egin nahi dutenek Sakana Garatzen webgunean dute horretarako aukera. SGAtik azaldu dutenez, "Sakanan bizi eta lan egin leloari erantzunez, estrategia planaren eguneratzea bi ardatz nagusiren baitan landu da: lan mundua eta ekonomia jarduera, eta, bestetik, gizarte ikuspegia. Iraunkortasuna, digitalizazioa eta gizarte ekonomia zehar lerro gisa proposatu dira".
Gaineratu dutenez, "plana dokumentu itxia baino Sakanak sozioekonomikoa arloan jarritako helburuetara iristeko mapa da, bidean sortzen diren eremu eta erronka berrietara egokitu beharko duen dokumentu bizia".