Altsasuko, Olatzagutiko eta Ziordiko Oinarrizko Gizarte Zerbitzuen Mankomunitateak jakinarazi duenez, hutsik dauden 11 lanpostu merezimendu-lehiaketaren bidez beteko ditu. Horretarako egin duen deialdia enplegu publikoan dagoen behin-behinekotasuna murrizteko premiazko neurriak zehazten dituen legeriari segituz egin du.
Burunda mendebaldeko mankomunitateak bete nahi duen lanpostuetako bat administrari laguntzailearena da. D mailakoa, lan kontratudun finkoa izanen da eta lanaldi osoan ariko da. Lanpostuak euskarazko C1 euskara eskakizuna du. Bestetik, hiru familia langile aukeratuko ditu, D mailakoak eta lanaldi osoan aritzeko. Hirurei euskarazko B1 maila eskatzen zaie. Bi funtzionarioak izanen dira eta bestea lan kontratudun finkoa.
Horretaz aparte, mankomunitateak bi gizarte hezitzaile kontratatuko ditu, B mailakoa, lan kontratudun finkoa izanen dena eta lanaldi osoan ariko dena. Euskarazko C1 maila izan beharko da. Deialdian ere beste hiru gizarte langile hautatzeko prozedura martxan da. B mailako eta lan kontratudun finkoak izanen dira. Batek lanaldi osoa izanen du, eta beste biek partziala. Aurrekoan bezala, hizkuntz eskakizuna C1 da. Bestetik, psikologoa ere kontratatuko du mankomunitateak. A mailakoa eta lan kontratudun finkoa izanen da. Lanaldi partzialean ariko da eta euskarazko C1 maila izan beharko du. Azkenik, mankomunitateak garbiketako peoia behar du, E mailakoa, lan kontratudun finkoa izanen da eta lanaldi partziala izanen du. Euskarazko B1 maila eskatzen zaio.