Nafarroako Gobernuak Nafarroako Autopistaren (AP-15) 2023rako oinarrizko tarifak, bidesariak eta deskontu espezifikoak onartu ditu. 2023. urterako tarifak ilbeltzaren 1ean jarriko dira indarrean, eta % 6,935eko koefizientearekin eguneratu dira; emakidadunarekin egindako kontratuak adierazten duen bezala, 2021eko azaroaren 1etik 2022ko lastailaren 31ra bitarteko aldiari dagokion estatuko KPIaren % 95aren baliokidea da (% 7,3).
Tarifa berri horiek aplikatu ondoren, ondoriozko prezioek, Nafarroako Gobernuaren eta emakidadunaren artean adostutako deskontuak aplikatu ondoren (gutxienez oinarrizko prezioaren % 40), igoera izan dute, batez ere KPIaren gorakadak eraginda.
Gainera, ilbeltzaren 1etik aurrera luzatu egingo da joan-etorriko bidaiak egiten dituzten ibilgailu arinen (I. mota) deskontu gehigarria, itzulera jatorrizko joan-etorriaren ondorengo 24 orduetan egiten denean, 2019ko ilbeltzaren 23an Nafarroako Gobernuak ezarritako baldintzen arabera, eta dagokion BEZa baino ez dute ordaindu beharko.
| Nafarroako Autopistako 2023ko tarifak | ||||
| Bidesari estazioa | Oinarrizko prezioa | Deskontuarekin | Joan-etorria 72 ordutan | |
| Ibilgailu arinak | Sarasa | 2.45 | 1,55 | 0,775 |
| Zuasti | 0,8 | 0,51 | 0,255 | |
| Ibilgailu astunak 1 | Sarasa | 3,2 | 1,65 | |
| Zuasti | 1,05 | 0,55 | ||
| Ibilgailu astunak 2 | Sarasa | 4,35 | 1,9 | |
| Zuasti | 1,45 | 0,65 | ||