Ilbeltzaren 12tik 15era Espainiako Ziklo-kros Txapelketa jokatu zen Vic-en (Herrialde Katalanak). Nafarroako selekzioarekin junior mailan bi sakandarrek hartu zuten parte, Mikel Regil altsasuarrak (Aralar T.T.) eta Iker Begiristainek (Burunda T.T). Bost itzuli osatu behar izan zituzten, eta Euskadiko selekzioko Gorka Corres izan zen txapelduna (40:45). Mikel Regil lehen nafarra izan zen, 22. postuan (44:23) eta Iker Begiristain 50. iritsi zen (46:36).
Kadeteek lau itzuli osatu behar izan zituzten, eta Kataluniako selekzioko Roc Cubi gailendu zen (32:52). Ekain Imaz altsasuarra (Burunda T.T.) 25. postuan sailkatu zen, lehen nafarra (35:23).