Atzo, 21:42 aldera, makina bat herritarrek eztanda bat entzun zuten. Lurrikara baten soinuekin lotu zuten batzuk, gas edo bonba baten eztandarekin besteek. Etxe batzuetan leihoetako kristalek dardara egin zuten. Zarata handia izan zenez, batzuk izutu etxea lasterka utzi zuten. Herriren batean gas eztanda handia izan zela ere zabaldu zen. SOS Nafarroak kezkatutako herritarren bi dei jaso zituen Altsasutik eta Olatzagutitik.
Azkenean, Noaingo aireportuko kontrol-dorreko langileen baieztapena jaso zuten SOS Nafarroan: Frantziarako bidean zihoan militarren hegazkin batek Gasteiz eta Iruñea zeharkatu zituen eta soinuaren langa gainditzean sortu zen zarata. Foruzainek eta suhiltzaileek kezkatutako herritarrei eman zieten gertatutakoaren berri. 1995eko maiatzaren 27an gauza bera gertatu zen.
SER kateak jakinarazi duenez, estatuan sartu zen eta seinalerik ematen zuen merkataritza hegazkin baten arrastoa atzeman zuten eta F18 hegazkineko pilotua azkarrago irits zedin abiadura supersonikoan joatea baimendu zioten.
| Militarren bisitak | |||
| Data | Non ikusi | Norantz | Militar kopurua |
| 2023-02-05 | Sakana | Militarren hegazkin batek soinu-langa gainditu zuen eta alarma eragin zuen. Lurrikara edo eztandaren bat izan zitekeela pentsatu zuten hainbat herritarrek. | |
| 2022-11-23 | Unanu | Beriain | Militarren zortzi ibilgailu. |
| 2021-07-19 | Unanu | Beriain | Sei ibilgailu militar ur biltegiaren ondoan aparkatuta. |
| 2021-06-21 | Etxarri Aranatz | Bakaikuratz | Bi kamioi tanketak eramaten eta orotariko ibilgailua. |
| 2021-06-02 | Ziordia | Hainbat ibilgailu herritik pasatu ziren. | |
| 2021-04-29 | Urbasa | Tuneletik gertu | Militarrak maniobrak egiten. Sasien artean manta batzuekin estalita. Hummerren teilatutan igota, agurtzen. Panpin gorriak tiroak botatzeko prest, zinta txuri gorriak jarrita. Aurretik abixurik gabe. |
| 2021-04-28 | Dorrao | Lizarragako porturantz | 8 kamioi, orotariko ibilgailu bat eta gurutze gorria zuen beste bat. |
| 2021-04 | Dorrao | Lizarragako porturantz | --- |
| 2020-09-10 | Unanu | Beriain | 3 kamioi eta bi jeep |
| 2020-09-09 | Unanu | Beriain | --- |
| 2020-09-01 | Unanu | Beriain | 40tik gora |
| 2020-08-25 | Unanu | Beriain | 40tik gora |
| 2020-07/08 | Unanu | Beriain | 40tik gora |
| 2019-10-03 | Uharte Arakil | Beriain | 10 bat ibilgailu eta mikrobus bete soldadu |
| 2019-06-03 | Irurtzun | Herri inguruan | --- |
| 2018-04-20 | Etxarri Aranatz | Aralar | 20 bat |
| 2018-04-16 | Lizarragako portua | Andia | 80 bat |
| 2017-05-31 | Unanu/ Arbizu | Ondatz / Beriain | 20 bat |
| 2017-02-15 | Sakana erdialdea | Urbasa | 20 bat |
| 2017-01-17 | Altsasu | Urbasa | 20 bat |
| 1997-05-27 | Sakana | Militarren hegazkin batek soinu-langa gainditu zuen eta alarma eragin zuen Nafarroako hainbat tokitan, tartean Sakanan. Lurrikara izan zitekeela pentsatu zuten toki askotan. Altsasun harrobietan galdetu zuten leherketarik egin ote zuten. SOS Nafarroak argitu zuen pasa zena. | |
| 1979ko martxoren akaberan | Soldaduak maniobretan aritu ziren, egun osoa tiroka. | ||