Sakanako Mankomunitateko kudeatzailea oposizio lehiaketa bidez ordezkatuko du. Hautapen prozesuan parte hartu nahi dutenek eskabidea aurkeztu beharko dute Sakanako Mankomunitatean maiatzaren 11ko 14:30era arte. Eskabidea aurkezteko, besteak beste, honakoak izan behar dituzte: goi mailako unibertsitate titulua izatea, B mailako gidabaimena edukitze eta EGA edo baliokidea izatea.
Hautatua den pertsonaren eginkizunak, besteak beste, honakoak izanen dira: Sakanako Mankomunitatearen lidergoa izatea; estrategia plana gidatzea; bere ardurapeko eremuko zerbitzuen arduradunak modu proaktibo, eraginkor eta sistematikoan gidatzea, kudeatzea eta koordinatzea; ekonomia eta material baliabideak kudeatzea; langileak kudeatzea; osasuna eta prebentzioa kudeatzea eta barne- eta kanpo-komunikazioa koordinatzea.