Maiatzaren 13an, larunbata, Aralar Txirrindularitza taldeak juniorren mailako Etxarri Aranatz eta Ergoienako Muinoak lasterketa antolatuko du lehendabizikoz. 99 kilometroko proba da, 17:00etan Etxarri Aranazko udaletxe paretik abiatuko dena. Arbizu, Lizarragabengoa, Iturmendi eta Ergoiena bitarteko erradioan jokatuko da, tartean Unanuko eta Lizarragako muruetan. Lasterketa bizia eta ikusgarria izatea espero du Aralarrek.
Maiatzaren 14an, aldiz, afizionatuen mailako txirrindulariak izango dira Iturmendiko Sarian bilduko direnak, 10:00etan (139 km). Urbasa Txirrindularitza Taldeak antolatutako lasterketan txirrindulariek bederatzi aldiz gainditu beharko dute Altamira. Proba, aldi berean, Nafarroako Txapelketa izango da eta Euskaldun Txapelketarako baliagarria. Iaz Iker Mintegik irabazi zuen, eta aurten ere hala nahiko luke.