Utzubar EKO Gunean dagoen konpost plantan erabiltzeko pala kargatzaile bat erosi nahi du Sakanako Mankomunitateak. Erosketa hori egiteko deialdia egin du ibarreko erakundeak eta jakinarazi du kalitate-prezio erlazio onenari erreparatuko diola. Erosketa egiteko ibarreko erakundeak 136.000,00 euro (BEZik gabe) ditu. Eskaintza aurkezten interesa duen enpresak garagartzaroaren 1eko 13:30era arte du aukera.