Uztailaren 18an, asteartean, Urbasa kanpinean atsedena hartu du Nafarroako "herri borrokak" elkar ezagutzeko Bidezko eta neurrizko energia abian jartzen oinezko martxa. Uztailaren 15ean Iruñean hasi zen eta uztailaren 22an Nafarroako hiriburuan amaituko da, azken egunak Sakanan igaro ondoren. Hortaz, bosgarren etapan, uztailaren 19an Altsasura iritsiko da martxa eta bertan AHT Gelditu!, Errausketaren kontrako plataforma eta Sakanako Pentsiodunen Mugimendua elkarteek haien esperientziak elkarbanatuko dituzte. 14:00 herri bazkaria egingo dute eta 18:00etan, Foru plazan, esperientziak eta proposamenak elkarbanatzeko topaketa izango da.
Hurrengo egunean, uztailaren 20an, Etxarri Aranatzera iritsiko da martxa eta bertan Goiener elkartearen Udanbizi txirrindularitza martxarekin bat eginen du eta elkarrekin Andra Mari ikastolako instalazio fotoboltaikan bisita egingo dute. Goienerrek parte hartzea bultzatzeko helburuarekin bost eguneko txirrindulari bira prestatu du Nafarroan barrena, Iruñean hasi eta Leitzan amaituta. Bertan eredu energetikoa gainditzeko interesgarriak diren energia sorkuntza bisitatuko dituzte, Etxarri Aranazko Andra Mari ikastola kasu; uztailaren 20an Garestik aterako da eta Etxarri Aranatzera iritsiko da eta uztailaren 21ean Etxarri Aranatzetik aterako da Leitza bidean.
Uztailaren 21ean, ostirala, herri mugimenduen martxa Irurtzunera iritsiko da eta berta Aralar Zaindu Dezagun - Gasbidea Aralartik ez plataformarekin elkartuko da eta 14:00etan herri bazkaria egingo dute.
Bidezko eta neurrizko energia martxaren Sakanako egitaraua
Uztailak 18 asteartea
Urbasa kanpina
Atseden jardunaldia.
Uztailak 19 asteazkena
Altsasu
AHT Gelditu!, Errausketaren kontrako plataforma eta pentsiodunen mugimendua
14:00 Herri bazkaria.
18:00 Esperientzia eta proposamen elkartrukea, Foru plazan. Arbizuko langunak izanen dira.
Uztailak 20 osteguna
Goiener elkartea
19:30 Goiener elkartearen Udanbizi txirrindularitza martxarekin elkartu eta Andra Mari ikastolako eguzki plaken instalaziora bisita.
Uztailak 21 ostirala
Aralar zaindu dezagun plataforma
14:00 Herri bazkaria.
Goiener elkartearen Udanbizi bizikleta martxaren egitaraua Sakanan
Uztailak 20 osteguna
18:00 Lizarragako mikrosarera bisita.
19:30 Etxarri Aranatzera iritsiera. Ikastolako eguzki plaken instalaziora bisita Bidezko energia martxako kideekin bat eginez.
Uztailak 21 ostirala
09:00 Irteera.
09:30 Lakuntzan AHT egiteko Aralarren egin asmo dituzten zundaketen inguruko informazioa.
16:30 Lekunberri-Larraunera iritsiko dira.