Sakanako Mankomunitateko Ur Zerbitzuan Irurtzun, Lakuntza, Arbizu, Bakaiku, Iturmendi, Urdiain, Altsasu eta Olatzagutia daude. Ur Zerbitzuak jakinarazi duenez, sakandarrei jakinarazpenak bidaltzeko Whatsapp aplikazioa erabiliko du aurrerantzean. Ur Zerbitzuko berriak eta gaztiguak (oharra, irakurketen datak, ordainagiriak noiz pasako diren eta beste) jaso nahi dutenek bere telefono kontaktuaren berri Whatsapp bidez 663 399 732 telefonora bidali beharko du. Mezuan “alta” hitzarekin batera herriaren izena jarri beharko da.