Sakanako Dendari, Ostalari eta Zerbitzuen Elkartearen (SDOZE) Azarokotea kanpaina bueltan da. Elkarteko kide diren establezimenduetan azaroaren 20tik 28ra erosketak egiten dituztenek beren datuekin txartel bat bete beharko dute. Establezimendu guztietan jasotako txartelak batu eta elkarteak azaroaren 29an zozketa eginen du. Hala, guztira 1.800 euroko balioa duten 70 opari txartel banatuko dituzte, haietako 65ek 20 euroko balioa izanen dute eta hamarrek 50 eurokoa. Zozketa egin ondoren, elkartea sarituekin harremanetan jarriko da. Haiek SDOZEren establezimenduetan opari txartelak abenduaren 24a baino lehen gastatu beharko dituzte.
Elkarteko kideek azaldu dutenez, "sakandarrek Azarokotea gogoz itxaroten dute, urtez- urte, eguberriak baino lehen". Kanpaina hori ibarreko merkataritzan erostea eskertzeko, "emandako babesa eskertzeko" sortu zen. Azarokotea Altsasuko Dendarien Elkartea ekimena izan zen hasieran, "baina 2015ean, sortu berria zen SDOZEri utzi zion, horrela, oihartzun askoz handiagoa lortuz". Hamar edizioetan hainbat egoeratara egokitu da, esaterako: 2015ean atxikitako saltoki bakoitzak emandako produktuez betetako gabonetako saski erraldoi bat oparitu zen. Eta pandemia garaian sariak ostalaritzari laguntzeko eta babesa emateko erabili ziren oso-osorik; Covid19an zehar murrizketen eta itxieren artean kaltetuenetarikoak izan baitziren. Kidetutako harategietan erositako 125 urdaiazpiko ere banatu izan ditu Azarokoteak. SDOZEren kanpainak Nafarroako Gobernuaren laguntza du.
54 establezimendu parte hartzaileak
Lakuntza
Aralar burdindegia
Juncal autozerbitzua
Isidoro Arregi harategia
Tania arrandegia
Etxarri Aranatz
Argiro Optika
Iñaki ile apaindegia
Derry taberna jatetxea
Etxarri hortz klinika
Hostogorri altzariak
Kaxeta Liburu denda
Leku Ona taberna
Lizardi
Sabando
Altsasu
13 Udaberri Lore denda
Allianz aseguruak
Arkupe koltxoi denda eta altzariak
Asensio moda
Ekin boutikea
Akeita kafetegia
Bengoetxea oinetako denda
Sorkunde harategia
Izara gortinak
Lezea kirolak
Ramos elektrizitatea
Ramos etxetresna elektrikoak
Lorea lore denda
Cristina fruta denda
Gautxori taberna
Gertu Sakana
Sarabe belar denda
Hiruon harategia
Iker Kirolak
Inmobiliaria Agurain
Iulene
Joselen moda
Katuka
Larka Emakumea- Gizona
Lasa Kirolak
Arkatz Liburu denda
Mari Carmen
Marigorri lentzeria
ML moda gizona
ML moda emakumea
Santa Cruz altzariak
Nextmovil
Optika Sakana
Scooby txakur ileapaindegia
Pinpilinpauxa haur moda
Sare Calzados
Tu tienda Especial
Txartel kopia
Txikitxo
Xagu Informatika
Olatzagutia
Pako harategia