Azaroaren 25ean Nafarroako Kirol Jokoen Eskuz Binakako lehen fasearen bigarren eta hirugarren mailako finalak jokatu ziren Arbizuko kiroldegian, eta Aldabideko eta Irurtzungo zenbait bikotek jokatu zituzten finalak.
Benjaminen 2 mailan Aldabideko Mauduitek eta Sanchezek bi jokotan hartu zituzten mendean Berriozar A taldeko Diaz eta Oroz (9 eta 10 eta 9 eta 10). Kimuen 3 mailan Irurtzun C taldeko Lizasok eta Ongayk 18 eta 11 irabazi zieten Txaruta C taldeko Ruiz de Larrinagari eta Irigoieni. Sakandarrekin despeditzeko, haurren 3 mailan Aldabide A taldeko Mendinuetak eta Urtasunek Berriozar C taldeko Elarre eta Mujika izan zituzten aurkari. Berriozarkoak izan ziren txapeldunak, 18 eta 5 irabazita.