Lehiaketa oposizio bidez, Sakanako Mankomunitateak Hondakin Zerbitzuan peoi-gidari lanpostua betetzeko lan-poltsa bat sortu nahi du. Zerrenda horretara joko du lanpostu-hutsak, laneko bajen ondorioz behin behineko ordezkapenak, oporrak eta mankomunitateko zerbitzuak indartzeko unean uneko beste edozein behar bete behar denean. Lan poltsak 5 urteko indarraldia izanen du. Deialdian interesa dutenek C1 mailako gidabaimena eta euskarazko B1 (ahozkoa) ezagutza izan beharko du. Eskakizunak egiteko epea ilbeltzaren 10ean despedituko da.