Diploma jaso duten ikasleen artean Julen Blazquez Mariñelarena dago, Sakana Lanbide Heziketa institutuan Merkataritza Zerbitzuak Oinarrizko Lanbide Heziketako ikasketak egindakoa. Blazquezek diploma ofizialaz aparte, 200 euro jaso ditu.
Carlos Gimeno Gurpegi kontseilariak zoriondu egin ditu saritutako ikasleak, "egindako lanagatik eta ahaleginagatik, eta sari hau ikasle horien gaitasun pertsonal eta profesionalen aintzatespena da". Era berean, "Nafarroan Lanbide Heziketaren indarra" nabarmendu du, "%35 hazi baita, 15.000 ikasle inguru. Eskaintza dibertsifikatzearen eta lurralde-banaketaren aldeko apustua egin duen Lanbide Heziketa".
Era berean, Luis Calatayud Lanbide Heziketako, Digitalizazioko eta Hezkuntza Zerbitzuetako zuzendari nagusiak aitortza hitzak izan ditu ikasleendako, "egindako ahalegin handiagatik, prestakuntzan laguntzen dieten familientzat eta irakasleentzat, gizarteari hainbeste ematen dion lanagatik".