Altsasu, Olatzagutia eta Ziordiko Oinarrizko Gizarte Zerbitzuen Mankomunitateak gizarte-langilearen lanpostuko ordezkapenak egiteko izangaien zerrenda prestatzeko deialdia egin du. Haren bidez sor daitezkeen premiak bete nahi ditu erakundeak. Premia sortzean hautatutako pertsonak lanaldi osoa eta B mailako soldata gehi dagozkion osagarriak izanen lituzke. Deialdira aurkezteko bete beharrezko baldintzak dira: Gizarte Laneko Graduko unibertsitate-titulua edo Gizarte Laneko Diplomaturako ikasketak izatea, euskarazko C1 mailako titulua, B mailako gida baimena eta autoa izatea.