Ekainaren 8an kadeteek I. Baztandarra Kadete Saria izan zuten jokoan Lekarozen. Unai Azpiroz (Erro y Eugui, Ciclos Muruzabal) gailendu zen, eta txirrindulari sakandarrak oso txukun ibili ziren. Sakana Group-Aleako Luca Martinez seigarren eta Ekai Erdozia hamaikagarren sailkatu ziren, Top 15ean.
Gainontzeko sakandarrei dagokienez, Erik Laiglesia (Sakana Group-Alea) 24. iritsi zen helmugara, Ion Unai Gonzalez (Sakana Group-Alea) 26., Mikel Arrizabalaga (Quesos Albeniz) 31., Manex Huarte (Sakana Group-Alea) 38., Unax Etxeberria (Sakana Group-Alea) 41., Xabier Curiel (Quesos Albeniz) 45., Urko Oiarbide (Sakana Group-Alea) 46., Janitz Zufiaurre (Sakana Group-Alea) 47., Alex Gonzalez (Sakana Group-Alea) 49., Asier Flores (Quesos Albeniz) 55., Oier Olaberria (Quesos Albeniz) 62., Unai Gomez (Quesos Albeniz) 82., Juan Carlos Gil de Gomez (Quesos Albeniz) 83., eta Gabriel Gonzalez (Sakana Group-Alea) 85.
