Aldi baterako enplegua egonkortzeko eta finkatzeko prozesu bereziaren barnean, lanpostu hutsak merezimendu-lehiaketaren bidez betetzeko deialdia egin zuen Sakanako Mankomunitateak. Egin beharreko probak eginda, bi lanpostu huts betetzeko izendapenak egin ditu ibarreko erakundeak. Batetik, Iñaki Fernandez Cerradari esleitu dio arkitekto teknikoaren lanpostua, B mailakoa eta lan-araubide finkoan. Eta, bestetik, Estibaliz Salinas Burillori esleitu dio administrari laguntzailearen lanpostua, D mailakoa eta lan-araubide finkoan. Biek ere hamar egun balioduneko epea dute lanpostuaren jabetza hartzeko.