Nafarroako Gobernuak Etxebizitzak eta Eraikinak Birgaitzeko sei Bulegoen (EEB) erakunde kudeatzaileei 1,2 milioiko dirulaguntzak zuzenean emateko erabakia hartu du. EBB onuradunen artean dago Sakanakoa, 91.907,63 euro jasoko dituenak, banatutakoaren %7,65. Sakanako Mankomunitateak Lakuntzan duen egoitzan dago Etxebizitzak eta Eraikinak Birgaitzeko Bulegoa, eta handik zerbitzua ematen dio Sakanaz aparte, Lekunberri, Larraun eta Leitzaldeari.
Aipatutako bulegoen zeregina birgaitze-proiektuak sustatzen dituzten pertsonei eta komunitateei doako laguntza teknikoa eta administratiboa ematea da, Nafarroako Gobernuak hiri eraikiaren eta landa-inguruneen berreskurapena areagotzeko bultzatutako ekintzen esparruan. Bestalde, foru administrazioak birgaitzearen arloan ematen dituen laguntzen izapideetan aholkuak emateaz arduratzen dira, proiektu bakoitzaren aurrekontuaren %40ra arte finantzatu ahal izateko.