Ekainaren 15ean Europako Duatloi Txapelketa jokatu zen Coimbran (Portugal). Sprint distantzian jokatu zen (5 km korrika-22 km bizikletan-2,5 km korrika).
Sakana Triatloi Taldeko Juan Luis Maizak eta Peio Vergarak sasoi betean jarraitzen dutela erakutsi zuten beste behin. Maiza 55-59 urteen arteko kategorian Europako hamabigarren postuan sailkatu zen, eta Espainiako bigarren (1:04:22). Vergara, aldiz, 65-69 urteen arteko kategorian lehiatu zen, eta Europako Txapelketako hogeigarren postuan sailkatu zen, Espainiako lehena (1:20:14).
Sakana Triatloi Taldeko bikotea "oso gustura" aritu zen. Gorputzak jarraitzen dien bitartean, aurrera jarraituko dutela argi dute.