Irailaren 21ean jokatutako San Mateo Pilota Feriako bigarren jardunaldian Ezkurdia-Martijak Dario-Rezusta izan zituzten aurkari sarrera bikaina izan zuen Adarraga pilotalekuan. Bi bikoak nor baino nor lehiatu ziren partida ikusgarri bezain borrokatuan. Berdintasuna, hori izan zen, partidaren ezaugarri nabarmenena, bi bikoak ikusgarri ari zirelako, eta baita ere gogortasuna: guztira 811 pilotakada gurutzatu ziren partidan.
Dario eta Rezusta 19-21 aurreratu ziren, baina Ezkurdiak eta Martijak 21era berdintzea lortu zuten, partida bukaera zirraragarrian. Azken tantoak erabaki zuen guztia, eta, tamalez, Darioren eta Rezustaren alde erori zen. Ezkurdia eta Martija, beraz, torneotik kanpo geratu ziren. Dariok ez zuen garaipena ospatzeko aukera gehiegirik izan, bere eskuek oso gaizki bukatu zutelako eta errioxarrak txapelketan jarraitzea kolokan dagoelako.
Zabala-Zabaleta vs Altuna-Aldabe
Gaur, irailak 23, sanmateotan ikusmin handia piztu duen Zabala errioxarra eta Zabaleta etxarrendarra sartuko dira lehian. Altuna eta Aldabe izango dituzte aurkari, ikusgarria aurreikusten den partidan.