Emakumeen kontrako indarkeriaren aurkako egunean mugimendu feministak Izurdiaga eta Irurtzun artean zabaldu zuen bere protesta. Aldarriak prozesio itxura hartu zuen. Indarkeriaren ondorioz hildako emakumezko baten gorpua eraman zuten airean lu eramailek. Atzetik, beltzez jantzita, makina bat pertsonak joaten ziren segizioa osatzen. Eta megafoniak behin eta berriz emakumeen kontrako indarkeria kasuetako epaietako esaldiak edo emakumezkoei epaiketetan egindako galderak errepikatzen zituen. Arakildarrek beraien ibilbidea Irurtzungo plazan bukatu zuten, han deitua zegoen kontzentrazioan parte hartzeko.