Sakanako Mankomunitateak 2025erako lan eskaintza publikoa onartu du. Horren arabera gaur egun aldi baterako langileek betetzen dituzten lanpostuak langile finkoekin bete nahi ditu ibarreko erakundeak. Ur Zerbitzuan Ur Zerbitzuko ofizial lanpostua da, C mailakoa, B2 euskara eskakizuna duena eta lan kontratuduna izanen dena. Horretaz aparte, garbitzaile lanposturako deialdia ere eginen du Mank-ek. Postu hori D mailakoa da, euskarazko B1 eskakizuna duena. Lanpostua bereganatzen duenak lan kontratudun finkoa izanen da.
Bestetik, bere garaian langileei eskatu zitzaien maila eskaera aurrera eramateko eta eguneratzeko bi lanposturen kasuan lehiaketa mugatuak eginen ditu. Gaur egun Anitzartean Zerbitzuko teknikariak, gizarte hezitzaileak, C maila du eta lehiaketa mugatua deituko da B maila lortzeko. Gauza bera eginen da Ur Zerbitzuko administrazioko laguntzaile ardura duen langilearen kasuan, ofiziala izan beharko lukeela onartua baitzaio. Horregatik, beste lehiaketa mugatua eginen du ibarreko erakundeak. Prozesua despeditu ondoren, bi langileek betetzen zituzten aurreko lanpostuak plantilla organikotik desagertuko dira.