Larunbatean kadeteen mailako Zestoako XII. Gurutzeaga Saria jokatu zen. Bertan Burunda-Quesos Albeniz eta Aralar-Sakana Group-Alea taldeko txirrindulari sakandarrak lehiatu ziren, eta lan oso ona egin zuten. Top 10ean, Xabier Curiel (Quesos Albeniz) zazpigarren eta Urko Oiarbide (Sakana Group-Alea) zortzigarren sailkatu ziren, baina Ekai Erdozia (Sakana Group-Alea) izan zen podiumera igo zena, etxarriarrak mendiko txapelketa irabazi zuelako.
Ekai Erdozia (Sakana Group-Alea) 20. sailkatu zen, Ion Unai Gonzalez (Sakana Group-Alea) 22., Juan Carlos Gil de Gomez (Quesos Albeniz) 27., Unax Etxeberria (Sakana Group-Alea) 30., Ekaitz Zufiaurre (Quesos Albeniz) 35., Unai Gomez (Quesos Albeniz) 52., Ibai Galarza (Quesos Albeniz) 54., Alex Gonzalez (Sakana Group-Alea) 59., Asier Flores (Quesos Albeniz) 64., eta Xabier Gorriti (Sakana Group-Alea) 81.
Altsasuko Trofeoa, ate joka
Burunda Txirrindularitza taldeak antolatutako kadeteen mailako XXXVII. Trofeoa apirilaren 6an jokatuko da, igandean, 11:00etan, Foruen plazatik. 51 km-ko proba izango da eta Altsasu, Ziordia eta Bakaiku artean jokatuko da. Txirrindulariek Altamira behin igoko dute. Helmuga udaletxe aurrean egongo da, eta txirrindulariak 12:15 aldera iritsiko direla aurreikusten da.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!