Maiatzaren lehenean Lacturale Sari Nagusia jokatu zen, Etxeberrin hasi eta Goldaratzen despeditu (87 km) eta aldi berean juniorren mailako errepideko Nafarroako Txapelketa zena. Luca Martinez lakuntzarrak (Tolosa/Danena) sekulako erakustaldia eman zuen eta bakarrik iritsi zen helmugara, Nafarroako txapelduna.
Gainontzeko sakandarrak primeran aritu ziren, Top10ean sailkatu baitziren. Ekaitz Perez (Zu eta Biok) seigarren sailkatu zen, eta Ekain Imaz (Danena) zortzigarren.