Sakanako Dendari, Ostalari eta Zerbitzuen Elkarteak, SDOZEk, Udaberriko Tonbolaren berri eman du. Elkartekoak diren establezimenduetan maiatzaren 12tik 24ra erosketa eginez gero, txartel bat jasoko da bueltan. Hura bete eta maiatzaren 31n, ostirala, 18:30ean, Altsasuko estalpera eraman beharko da. Han bertan presente daudenen artean zozketatuko dira hiru sariak, 500 euroko hiru erosketa bonu hain zuzen ere.