Ekainaren 7an Emakumezkoen VII. Lizarrako Udala Saria Trofeoa jokatu zen, kadeteen eta juniorren mailan.
Kadeteek 40,4 km-ko ibilbidea osatu zuten. Bi txirrindulari batera iritsi ziren helmugara, eta Teika-Aleko Carla Bañuls (1:04:27) gailendu zitzaion Lluna Jimenezi (Baix Ter). Eider Mazkiaran (Zu-k / Limousin) 95. sailkatu zen, 4:33ra. Amara Arrietak (Ecologicos Navarra-Beratxa) ezin izan zuen proba bukatu.
Juniorrek 77,7 km izan zituzten aurretik. Baque Movistar Team taldeak kontrolatu zuen lasterketa goitik behera; talde horretako hirukote bat iritsi zen elkarrekin helmugara. Mirari Gotxi gailendu zitzaien Alejandra Neira eta Paula Ostiz taldekideei (2:04:38). Ane Berastegi (Ecologicos Navarra-Beratxa) 40. iritsi zen helmugara, 5:39ra, eta Ane Beltran de Heredia (Timac Agro) 41., 5:39ra. Siets Goikoetxeak (Ecologicos Navarra-Beratxa) ezin izan zuen proba bukatu.
Hurrengo egunean, ekainak 8, eliteen eta 23 urtez azpikoen lasterketa jokatu zen (101,9 km), Espainiako Koparako baliagarria zena. Sophia Sammons gailendu zen (2:50:43), segika zuen taldeari 2 segundo aterata. Nahia Imaz altsasuarrak (Bassi Baix Ter) lasterketa bikaina egin zuen eta hamahirugarren sailkatu zen, minutu batera, Laia Puigdefabregasen atzetik bigarren nafarra izan eta gero.