Pirinioetako, Baztan Bidasoako eta Pirinio aurreko, Zangozaldea, Urdina eta Plazaola, Sakana eta Ultzamako Turismo Espazioen Kudeaketa Unitateko eskualdeetako turismoa sustatzeko marketin-zerbitzuak kontratatu ditu Cederna-Garalurrek 1.361.639,93 eurotan. Kontratuak finantzatzeko Garalurrek Europar Batasunaren Next Generation EU funtseko finantziazioa jasoko du.
Bost egiteko kontratatu ditu Garalurrek. Alde batetik, marka turistikoa sortzeaz Aurman SA arduratuko da eta 90.000 euro jasoko ditu. Bestetik, webgunea eta plataforma anitzetarako aplikazioak diseinatzea eta inplementatzeko ardura Hiberus It Development Services SMU enpresak eskuratu du 221.926,61 eurotan. Hirugarren egitekoa, turismo jasangarriko marketin-plana, sormena eta inplementazioa, Nothingad Comunicacio SMk eskuratu 490.000 eurorengatik. Muxu Estudio Creativo SMU arduratuko da turismoa sustatzeko argazkigintza eta bideografia lanez 301.316,63 euroren truke. Eta, azkenik, turismo esperientzia jasangarriak garatuko du STrategy And Analytics Estancia C3 SMU enpresak eta horregatik 258.396,69 euro kobratuko ditu.