Uztailaren 27an junior mailako tropela Beran bildu zen, XX. Berako Sarian (50 km). Lasterketa mugituan, azkenean hamabi txirrindulariz osatutako taldea iritsi zen batera helmugara, eta esprint estuan Ander Larraburu (Erro y Eugui) gailendu zen (1:12:53), Sakana Group-Alea taldeko Ion Unai Gonzalezen aurretik. Top 10ean beste bi txirrindulari sakandar sailkatu ziren: Xabier Curiel (Quesos Albeniz), laugarren, eta Urko Oiarbide (Sakana Group-Alea), seigarren.
Gainontzeko sakandarrei dagokienez, Ekaitz Zufiaurre (Quesos Albeniz) hemezortzigarren sailkatu zen, Unax Etxeberria (Sakana Group-Alea) 21., Juan Carlos Gil de Gomez (Quesos Albeniz) 23., Ibai Galarza (Quesos Albeniz) 24., Xabier Gorriti (Sakana Group-Alea) 31., Unai Gomez (Quesos Albeniz) 36. eta Egoi Urtasun (Quesos Albeniz) 41.