Sakanako Mankomunitateak eta Barranka Txirrindulari Taldeak mendi bizikleta ibilaldi berezia antolatu dute irailaren 28an, igandea, Fiteron: Alhama ibaiaren bide berdea. 49 km eta 700 m desnibela duen ibilaldi ederra da, Alhama ibaiaren inguruan. Zailtasunaren aldetik, ertaina-altua da.
Ibilaldian 14 urtetik gorakoek eman dezakete izena (10 euro), Mank-eko kirol zerbitzuan (683 343 854 edo kirolak@sakana-mank.eus), irailaren 23ra arte. Autobusa 6:45ean aterako da Altsasuko autobus geltokitik. Bertan bazkalduko da.