Ezinbestekoak euskarentzat Agerrean lelopean Errigorak saskien eskaintza egin du. Errigorako kideek azaldu dutenez, "Nafarroa erdi eta hegoaldean lanean ari diren euskalgintzako eragileak (AEK, Sortzen, Ikastolak eta Agerraldia) ezinbestekoak dira euskararendako. Euskarak eskualdean arnasa har dezan bertatik eta bertarako egiten dute lan". Gaineratu dutenez, "lanean jarrai dezaten, ezinbestekoak garenak gainontzeko lurraldetako euskaltzaleok gara. Asmo horretan auzolana tresnarik baliotsuena, ezinbesteko elkartasun keinua da Euskarari Puzka kanpaina, saskiak eskatuz balioaren %25a Ager zonaldeko euskalgintzara bideratzen delako".
Aurten ere hiru saski mota eskaini dituzte, beltza, berdea edo gorria. Haiek 22 ekoizleren produktuekin beteko dituzte. Eta auzolanaren bidez 245 herritako 469 banaketa guneren bidez banatuko dituzte. Ohiko tokietan edo errigora.eus webgunean eska daitezke azaroaren 13a baino lehen.
Eskaintza
Saski beltza
Olioa, piperrak, zainzuriak, orburuak, kardua, potxak, borraja, teilak, mahats zukua, ardo beltza, ilarrak eta patxaran mantekatuak. 60 euro.
Saski berdea
Piperrak, olioa, zainzuriak, orburuak, txitxirioak, pasta, tomatea, teilak, txokopipitak, sagar zukua, ozpina eta ardo beltza erdi-ondua. 65 euro.
Saski gorria
Ardo beltza (18 hil barrikan), ardo txuria, olioa, piperrak, zainzuriak, turroia, mantekadak, polboroiak, ardi-gazta, txokolatezko molineritoak eta patxarana. 75 euro.