Abenduko lehen asteburuan Nafarroako Futbol Federazioko Karbel kopako hamabigarren multzoko bigarren eta hirugarren jardunaldiak jokatu dira. Bigarren jardunaldian, Etxarri Aranatzek 1-0 hartu zuen mendean Beti Kozkor B Xabier Igoak sartutako golari esker eta Lagun Arteari 4-1 irabazi zion San Jorgek. Ander Agirre izan zen lakuntzarren gol bakarraren egilea.
Hirugarren jardunaldian, Lagun Arteari 1-2 irabazi zion Beti Kozkor B-k (Gaizka Sagarzazuk sartu zuen Lagun Artearen gola) eta Etxarri Aranatzek San Jorge izan zuen aurkari eta Iruñeko taldea nagusitu zen, 1-3. Joanes Mikeok sartu zuen Etxarriren gola. Sailkapenean San Jorge izan da lehena (9 puntu), Etxarri Aranatzen (6 puntu), Beti Kozkor B-ren (3 puntu) eta Lagun Artearen (punturik gabe) aurretik. Hortaz, Lagun Artea Kopatik kanpo geratu da eta Etxarri Aranatzek aurrera egingo du.