Kadeteen mailako tropela Beran bildu zen uztailaren 26an, XXI. Berako Saria baitzegoen jokoan. Lasterketak 42,3 km zituen eta, tartean, laugarren mailako Kaxerna mendatea. Lasterketa gorabeheratsuan Ricardo Valdesek (DH Ameral-Heygaz) lortu zuen garaipena, helmugara bakarrik iritsita (59:11). Tropela 49 segundora iritsi zen. Mikel Casado (Sakana Group-Aralar) bosgarren sailkatu zen (1:00:00), Top5ean.
Gainontzeko sakandarrei dagokienez Xabier Gorriti (Sakana Group-Aralar) hamabosgarren sailkatu zen, Ekaitz Zufiaurre (Quesos Albeniz-Burunda) hamazazpigarren, Egoi Urtasun (Quesos Albeniz-Burunda) hemeretzigarren eta Unax Galardi (Sakana Group-Aralar) 27.
