Joseba Ezkurdiak eta Julen Martijak Logroñoko San Mateo Ferian jokatzeko aukera lortu dute irailaren 19ko aurretiazkoan Jokin Altunari eta Iñigo Bikuñari 22-17 irabazi eta gero. Hasieran Altunak eta Bikuñak hartu zuten aurrea (2-6, 4-8), baina sakandarrek markagailua irauli zuten, 13-12an aurrea hartu, eta takada eder bati esker 19-14 jarri ziren aurretik. 5 tantoko diferentzia horri bukaeraraino mantendu zuten eta, azkenean, 22-17 gailendu ziren. Horrela, San Mateo Ferietako B multzoan lehiatuko dira, Dario-Zabaletarekin eta Laso-Landarekin. Beste aurretiazkoan Larrazabal-Iztuetak 3-22 irabazi zieten Artola-Albisuri.
Sakandarren borroka, gaur
Gaur, irailak 21, San Mateotako A multzoan Ezkurdia-Martijak Dario-Zabaleta izango dituzte aurkari. Galtzaileak irailaren 23an Laso-Landaren kontra lehiatuko dira, eta irabazleak, irailaren 25ean, Laso-Landa izango dituzte zain. Biko onena finalerako sailkatuko da.
A multzoan irailaren 20an Larrazabal-Iztuetak 10-22 irabazi zieten Zabala-Rezustari. Irailaren 22an Zabala-Rezustak Jaka-Mariezkurrena dituzte aurkari, eta irailaren 24an Larrazabal-Iztueta Jaka-Mariezkurrenaren kontra ariko dira.