Eneka Maiz Ulaiar kongresurako hautagaiak esan duenez, "azaroaren 29ko hauteskudean ez dira arruntak izango. Demokrazia beraren esentzia dago jokoan". Senaturako hautagai Floren Aoizek esan zuenez, "aurre egiten diogun partida globala da, zibilizazioaren eta izugarrikeriaren artekoa partida, bizitza eta negozio guztiaren neurri bihurtzearen arteko partida".
Maizek esan duenez, "greba orokorrean kalean oihukatutakoa, Madrilen erabaki bihurtu dugu. Bi dekretuei baiezkoa eman diegu etxebizitza eskubidea zabaltzeko. Hori da EH Bilduk eskaintzen duen bermea: politika aurrerakoi ausartagoak eta anbiziotsuagoak aurrera eramatea". Maizek gaineratu duenez, "hauteskunde hauetan bozka aukera guztien balioa ez da berdina, inolaz ere".
Aoizek nabarmendu duenez, "jokoan zer dagoen badakigu. Badakigu zer dugun parean. Baina badakigu herriak faxistak garaitzen ari direla, herriak aurre egiten ari direla eta motozerraren banda garaitu daitekeela. Historia ez baitago idatzita. Herriok idazten dugu". Azkenik, Maizek gaineratu duenez, "Nafarroak ahots euskaldun eta soberanista indartsu bat behar du Madrilen. Harrotasunez lan egingo duena, eta konplexurik gabe egongo dena".
Bi hizlariak Etxarri Aranazko estalpean egongo dira, gaur, ostirala, azaroak 13, 19:00etan.