Azken ur festa goxoa

Irurtzun, Etxarri, Altsasu eta Lakuntzaren ondoren, Uharte Arakilgo igerilekuak hartuko du uda honetako azken festa goxoa. 12 urtetik gorako gazteei zuzendutako eskaintza da ur festa goxoarena. Ohikoak ez diren ordutan bainua hartu, txokolate beroa dastatu, musikaz gozatu, ur-jolasetan aritu eta afaria lagun artean hartzeko aukera izanen dute gazteek.

Irurtzun aldeko Gizarte Zerbitzuen Mankomunitateak antolatu du ur festa, Gozamenez programaren zati dena. Haren bidez gazteei une dibertigarriak eskaini nahi zaizkie. Sakanako Gozamenez Koordinakundeak gazteei sexualitatearen ikuspegi positiboa, errespetuzkoa, plurala eta aberasgarria eskaini nahi die. Gozamenez programak gazteen artean sexualitateari buruzko hausnarketa eta arlo ezberdinen inguruko eztabaida sustatzea du helburu. Horregatik, publikoak eta ohikoak diren espazioetan sexualitatearen presentzia azaldu nahi du.