Nafarroan altuera handienean dagoen ermitan San Donato eta San Kaietano sainduak daude. Bien eguna agorrilaren 7an da eta aurten haien egunean eginen da Berianen erromeria. Uhartearrek herrian dituzten sainduen erlikiak ermitara igo eta haiek presente daudela, 11:00etan meza izanen da. Elizkizunaren ondoren Uharte Arakilgo Udalak gazta, txorizoa, urdaia, ardoa eta uraz osatutako otamena eskainiko du. Hura borobiltzeko Ollo ibarretik joandakoek kafea eta pastak gehituko dituzte. Lagun arteko hizketaldien ondoren, Ollo, Unanu, Uharte Arakil eta Irañetako bideak hartuko dituzte mendizaleek.
Alturako erromeria
Igandean ospatuko da Beriaingo erromeria