San Migel goiaingeruaren agerpenaren eguna da maiatzaren 8a, igandea. Egun horrekin uhartearrak Aralarko santutegira erromerian joaten dira. Goiztiarrenak 09:00etan ekiten diote Aralarko aldapari. Jakina, autoekin joaten denik ere bada. Behin goian, Uharte Arakilgo Udalak herritarrei auzatea eskaintzen die. 12:30ean santutegian meza izanen da. Eta, ondoren, 41 uhartear bazkaltzera geldituko dira. Gaur egun bazkaria aterpean dagoen jatetxeak ematen du, baina, garai batean, herria arduratzen zen bazkaria prestatzeaz.