Irailaren 29an da San Miguel eguna, eta gertuago dagoenez irailaren 21ean, asteazkenean, haren bederatziurrenak hasiko dira. Aralarko santutegian bederatzi egunez meza eta bederatziurrena izanen dira, 18:00etan, eta hitzordu hori hilaren 29an, San Migel egunean, despedituko da. Egun horretan, ohi den moduan, goiz eta arratsaldez elizkizunak izanen dira santutegian.
Bestalde, irailaren 21ean, asteazkenean, 17:00etan, Conocer Navarra aldizkariak bere azken zenbakia aurkeztuko du santutegian bertan. Zenbaki hori Aralarko santutegiari eta Zamartzeko monasterioari eskainita dago.