Azaroak 25 Emakumeen aurkako indarkeriaren harira, Beldurra eta kontrolaren aurrean justizia feminista! lelopean, azaroaren 26an, larunbatean, Emakumeon* arteko bazkaria eginen dute Uharte Arakilen, 14:30ean, alhondigan. Ondoren, 18:00etan, Tera-pia Lorena Arangoaren antzezlana izanen da udaletxeko ganbaran.
Aurretik, azaroaren 23an, asteazkena, Sakanako Mankomunitateko Berdintasun Zerbitzuak antolatuta Eraikiz Kolektiboko Aitziber Bañuelos Garciaren Agresiones sexistas mediadas por alcohol y otras drogas hitzaldia izanen da, 18:30ean, udaletxeko ganbaran, eta azaroaren 25ean, ostirala, 18:30ean, kontzentrazioa eginen dute Uharte Arakilgo plazan, eta 20:00etan Altsasun eginen den eskualdeko kontzentrazioan parte hartzera deialdia egin dute.
Azaroaren 27an, igandea, 11:00etan, Emakumeen arteko sareak ehundu Etxarri Aranatzen eginen den ekimenean parte hartzeko gonbitea luzatu du ere Uharte Arakilgo Mugimendu Feministak.