1997ko irailean itxi eta 1998ko apirilaren 26an zabaldu zituen atzera ere ateak Aralar Mendi elkarteak. Uharte Arakilgo elkarteak 330 bazkide zituen, eta haiendako txiki gelditzen zen egoitza. Azpiegiturak ere zaharkituta zeuden. Hori dela eta, elkartearen batzarrak eraikina biziberritzea erabaki zuen 1997an, eta haren ardura izan zuen zuzendaritza taldeak. Aralar Mendi elkartea 1968an sortu zenetik herriaren gizarte, kultura eta kirol dinamizatzaile handia izan da.
