Nafarroako Gobernuaren 4. Biziberri Sariarekin Tafallan eta Ekai Longidan egindako bi etxebizitza birgaitze saritu ditu. Finalisten artean Uharte Arakilgo Itxesi auzoko hainbat ataritan egindako birgaitzea dago. Biziberri Navarra Rehabilita sarien helburua da, bi urtez behin, babestutako birgaitze nabarmenenak bereiztea, eraikuntzari eusten laguntzeagatik, egikaritze-kalitateagatik, ingurumenarekin arduratsua eta konprometitua den arkitektura bat ezartzeagatik edo lehendik dauden eraikinak kontserbatzeagatik, berrinterpretatuz eta egungo beharretara egokituz.
Biziberri sariek bereziki kontuan hartzen dituzte nabarmentzen diren birgaitze jarduerak lehendik dauden bizitegi-parkea berreskuratzeko eta mantentzeko egiten duten ahaleginagatik, proiektuak gauzatzearen kalitateagatik edo berrikuntzagatik, eraikinak premia desberdinetara egokitzeko egiten den berrinterpretazioagatik edo ingurumenarekin, trantsizio energetikoarekin eta hiri- eta gizarte-ingurunearekin konprometitutako arkitektura arduratsua ezartzeagatik.
Sarien epaimahaia Etxebizitza Zuzendaritza Nagusiko birgaikuntzan adituak diren teknikariek eta Etxebizitzak eta Eraikinak Birgaitzeko Bulegoetako langileek osatzen dute.
Esanak
Hirugarren lehendakariorde eta Etxebizitza, Gazteria eta Migrazio Politiketako kontseilari Begoña Alfaro Garciak banatu ditu sariak. Alfarok nabarmendu du "Nafarroako Gobernuak apustu garbia egin duela azken urteetan birgaitzearen arloan, 2025eko aurrekontuen aurreproiektuan birgaitzera bideratutako partidak maximo historikoetara itzuliko direla eta igoera nabarmena izango dutela 2024ko ekitaldiarekin alderatuta, dagoeneko birgaitze-inbertsioaren zifra historikoak markatuko baititugu".
Alfarok azpimarratu duenez, birgaitzearen aldeko apustua "etxebizitza eskuragarriaren aldeko apustua da, eta helburu horretan gaude denok. Kontua ez da soilik erabilera txarrean zegoen etxebizitza merkatuan jartzea; etxebizitza gero eta zaharragoa den gizarte batean gero eta zorrotzagoak diren irisgarritasun-premietara egokitzea ere bada, eta, jakina, etxebizitzei eraginkortasun energetikoa ematea, etorkizunean eskuragarritasun handiagoa ekarriko duena".
