Hirugarren mailan Uharte Arakilgo Aralar Mendik Kirol Sport taldea izan zuen aurkari Orkoienen. Partida mugituan, Raul Ericek Aralar Mendi aurreratu zuen, baina Kirol Sportek buelta eman zion partidari eta 2-1 aurreratu zen. Jon Iribarrenek bina berdindu zuen eta 2-3 aurreratu zuen talde uharte arakildarra, baina, tamalez, partida bukaera aldera Kirol Sportek hiruna berdindu zuen, Aralar Mendiren garaipena zapuztuz. Nolanahi ere, Orkoiendik puntu bat ekarri zuen Aralar Mendik, eta ez dago gaizki.
Antsoaingo Gazte Berriak taldea da hirugarren mailako liderra (12 puntu). Aralar Mendi zortzigarren da (5 puntu). Seigarren jardunaldian Aralar Mendik sailkapenean seigarren eta arerio zuzena den Ribera de Navarra hartuko du urriaren 25ean, 20:00etan, Uharte Arakilgo kiroldegian.