Udaberriko oporretako goizetan neska-mutilekin zer egin, hori izaten da familia askoren kezka. Sakanako Mankomunitateko kirol zerbitzuak eta Uharte Arakilgo Udalak, Naturkiderekin batera, eskaintza berria ekarri dute: Uharte Arakil Mendi Campusa.
Apirilaren 22tik 25era gaztetxoei zenbait jarduera eskainiko zaizkie: mendiko ibilbideak, eskalada, orientazioa eta ginkana eta “Konkis probak”, ETBko telesaileko probetan oinarritatutakoak. Ekimena 8 eta 16 urte bitarteko haurrei zuzenduta dago, eta izena ematea zabalik dago apirilaren 11ra arte. Mank-etik azaldu dutenez, gehienez 40 leku daude, eta, hortaz, beharrezkoa bada zozketa egingo da tokia emateko.