Asteburuan hirugarren mailako hamabosgarren jardunaldia jokatu da. Aralar Mendik Ablitas taldea zuen aurkari, baina Ablitasek txapelketa utzi du, eta, hortaz, atseden hartu zuen Uharte Arakilgo taldeak.
Hirugarren mailako lider Gazte Berriak da (27 puntu), puntu batera Kirol Sport duela (26 puntu). Aralar Mendi hamargarren da (11 puntu). Hamaseigarren jardunaldian Aralar Mendik lidergoaren borrokan bete betean dagoen Kirol Sport taldea hartuko du martxoaren 29an, larunbata, 18:00etan, Uharte Arakilgo Larrebieta kiroldegian. Partida zaila uhartearrendako.