Igor Arrieta (UAE Emirates) taldeko txirrindulariaren aurtengo erronka nagusia Italiako Giroa da, eta hura prestatzeko Settimana Internazionale Coppi e Bartali Italiako bost etapako lasterketan ari da parte hartzen. Martxoaren 26an bigarren etapa jokatu zen, Paul Double britainiarrak esprintean irabazi zuena (4:18:23). Igor Arrieta Top20an sartu zen, hemezortzigarren, 13 segundora.
Sailkapen orokorrean ere Paul Double dago buruan, 4 segundora Jardo Widar (Lotto) eta 6 segundora Diego Ulissi (Astana) dituela. Igor Arrieta hemeretzigarren postuan dago, 23 segundora.
Martxoaren 27an hirugarren etapa jokatuko da, Riccione eta Cesena artean (141,4 km).