Nekazaritzako Politika Bateratuko (NPB) laguntzak aurten eskatu nahi duten abeltzain ubertearrek udaletxean eskaera aurkeztu beharko dute. Uharte Arakilgo Udalak jakinarazi duenez, eskaera aurkezteko honako dokumentazioa aurkeztu behar dute abeltzainek: Ustiapen Liburua, 2025eko urtarrilaren 1eko datarekin; ATP tituluaren akreditazioa eta artzaintza modu erreal eta eraginkorrean egiten dela egiaztatzen duten agiriak. Dokumentazioa aurkezteko epea apirilaren 11ra arte dago zabalik.