Uharte Arakilgo Udalak langabetu bat kontratatu nahi du baso lanak egiteko. Deialdian interesa duenak Nafarroako Enplegu Zerbitzuak Altsasun duen bulegoan eman behar du izena, apirilaren 23ko 12:00ak baino lehen. Lanpostua eskuratzen duenak E mailako peoi plaza beteko du. Foru administrazioaren zerbitzuko lan-kontratuko langileen hitzarmen kolektiboan ezarritako soldata izanen du, E mailari dagokiona, % 15eko osagarriarekin. Astegunetan lanaldi osoan lan eginen du, 07:00etatik 14:30era. Hautatutako pertsona maiatzaren 2an hasiko litzateke lanean eta kontratua lastailaren 15ean bukatuko luke. Deialdiari buruzko informazio gehiago uhartearakil.eus webgunean dago.