Uharte Arakilgo Udalak langabezian dagoen pertsona bat kontratatu nahi du hautaketa prozesu baten bidez. Deialdian interesa duenak Altsasuko enplegu bulegoan eman beharko du izena apirilaren 24ko 12:00ak baino lehen. Horrekin batera, honako agiriak aurkeztu beharko ditu: eskabidea, NANaren fotokopia, zirkulazio-baimenaren fotokopia, curriculuma, lan ziurtagiria edo lan bizitza, euskara-mailako titulua eta deialdiarekin zerikusia duten ikasketa-tituluen fotokopia.
Hautaketa prozesua proba teoriko-praktikoa izango da, eta bertan lan-esperientziaren eta euskara-mailaren baremazioa egiaztatuko da, gehienez 60 punturekin. Ariketa teoriko-praktikoa Uharte Arakilgo udaletxean egingo da apirilaren 28an, asteartea, 09:00etan.
Aukeratutako pertsonaren zeregina izanen da landa, baso eta kontserbazio eta mantentze orokorreko hainbat lan, 2025/2026 kanpainarako Natura 2000 Sareko larre menditarren kudeaketa jasangarriko planean jasotako lanak hain zuzen ere. Peoi gisa ariko da lanean, E mailako lanpostuan eta hari dagokion soldatarekin eta %15eko osagarriarekin. Maiatzaren 4an hasiko da lanean eta lastailaren 15era arte iraunen du kontratuak. Astegunetan lanaldi osoan ariko da lanean, 07:00etatik 14:30era.