Espainiako armadako 40tik gora militar izan ziren atzo Unanun. Herri sarreran dagoen putzu septikoaren ondoan bi kamioi eta jeep bat aparkatu zituzten. Handik jaitsi eta Unanu zeharkatuta mendirantz jo zuten. Ariketa militarrak egin ondoren, kuartelera bueltatzeko herritik pasatu ziren. Unanuar batek kontu hartu zien maskararik gabe pasa zirelako. Poltsikoan zeramatela erantzun zuten soldaduek. Ariketen arduradun zen tenienteari gaztigatu zion herriaren bataz besteko adina altua dela, eta, errespetuagatik, musukoa jantzi beharko zutela. Estatuko hedabideetara jotzeko erantzun zion.
Unanuarrek azaldu digutenez, garilean eta agorrilean laupabost aldiz pasa dira militarrak Unanutik. Azkenekoa, agorrilaren 25ean izan zen. Unanuarrak jakinarazi duenez, "musukorik gabe beti".
Militarren bisitak | |||
Data | Non ikusi | Norantz | Militar kopurua |
2020-09-01 | Unanu | Beriain | 40tik gora |
2020-08-25 | Unanu | Beriain | 40tik gora |
2020-07/08 | Unanu | Beriain | 40tik gora |
2019-10-03 | Uharte Arakil | Beriain | 10 bat ibilgailu eta mikrobus bete soldadu |
2019-06-03 | Irurtzun | Herri inguruan | --- |
2018-04-20 | Etxarri Aranatz | Aralar | 20 bat |
2018-04-16 | Lizarragako portua | Andia | 80 bat |
2017-05-31 | Unanu/ Arbizu | Ondatz / Beriain | 20 bat |
2017-02-15 | Sakana erdialdea | Urbasa | 20 bat |
2017-01-17 | Altsasu | Urbasa | 20 bat |