Mendizalearen heriotzaren urteurrenaren bezperan, Iñaki Ochoa de Olza Sos Himalaya fundazioak ekitaldia antolatu zuen Unanun. Hasteko Beriain mendira igoera jendetsu bat izan zen, Otxoa de Olzaren entrenamendu zelaia izan zena igoz. Ondoren, beste talde batek mendi magalean dagoen oroitarrirantz jo zuen. 2008tik alpinista nafarra oroitzen zuen oroitarrian bi taldeek bat egin zuten. Han Pablo Otxoa de Olzak, fundazioko presidente eta Iñakiren anaiak, Nafarroako bere erreskate saiakerak piztu zuen elkartasuna gogoratu zuen, eta olatu hark fundazioaren bidez indarrean dirauela nabarmendu zuen. "Gaur, duela 15 urte, Iñaki denda batean zegoen, 7.400 metroko altueran. Familiak ez genekien zer nolako dimentsioa izango zuen horrek guztiak. Ez genekien Iñakik zenbat lagun zituen ez genekien nahiko, ezta zein kalitatekoak ere. Eta orain honela esan dezaket: gure adiskide horiek, urrea balio dutenak, heredatu ditugula", nabarmendu zuen.
Unanuko Ondatz bide pilotalekuak hartu zuen bigarren omenaldia, Atarrabia Abesbatzak girotu zuena. Bertan, Pilar Seguin, Iñakiren amak fundazioa laguntzen duen jendeari eskerrak eman zizkien. "Gogoratu nahi dut zein garrantzitsua den inguru eta mendi hau Iñakirendako. Ehunka aldiz Himalayarako prestatzera etorri zen hona. Baina, horretaz aparte, mendien edertasunaz eta aurkitzen zituen pertsonez gozatzera. Hemen etxean bezala sentitzen zelako", nabarmendu zuen.
Ekitaldia baliatu zuten fundazioaren proiektua zabaltzeko eta proiektuetarako dirua biltzeko lan egiten duten pertsonak: Martin Montañes, Nafarroako Mendi eta Eskalada Federazioko presidentea; Aitor Etxarri, azken urtean Nepalen lan egin duen praktiketako ikaslea; Javier Gonzalez, Rocopoliseko zuzendaria eta fundazioko kolaboratzailea; Julio de Iñigo eta Reyes Leoz, boluntarioak eta Josetxo Inbuluzketa eta Jorge Nagore kazetariak.
Egitaraua 180 pertsonarendako herri bazkariarekin eta La Banda del Desague taldearen kontzertuarekin despeditu zen. Lortutako dirua Makaluko Ospitaleko proiektua despeditzeko balioko du. Makalu, Nepalgo haraneko 20.000 pertsona artatuko ditu. Gaur egun, baldosak jarri ondoren, proiektu hori azken fasean dago. Azken horren baitan langile finkoen kontratazioa eta ekipoak erostea dago. Ekipamenduei dagokienez, Iruñeko Salestarren ikasleek egindako inkubagailu sehaska jarri ditu. Laster Galdakaoko eta Zaragozako Miguel Servet ospitaleek emandako bi elektrokardiografo bidaliko dira.
SOS Himalayari buruz
Iñaki Ochoa de Olza-SOS Himalaya Fundazioa 2009ko irailaren 29an sortu zen, Iñaki Ochoa de Olza alpinista nafarraren memoria kontserbatu eta zabaltzeko, baita bizi zela bukatu gabe gelditu ziren lankidetza proiektuak despeditzeko. Gaur egun bere lana Nepalgo Makalu ibarrean egiten du, ospitale baten eraikuntza amaituz eta hainbat ikastetxeren kudeaketan lagunduz. Gainera, alkoholismoaren errehabilitaziorako zentro baten eraikuntzan laguntzen ari da, baita etxaldea izanen duen ekobaratze batena ere.
